СВР Тетово поднесе кривична пријава против 76-годишен жител на Тетово поради постоење основи на сомнение за сторено кривично дело „телесна повреда“.
Според официјалните информации, инцидентот се случил во текот на јануари годинава во заедничкиот семеен дом, каде што пријавениот физички ја нападнал својата снаа, нанесувајќи ѝ телесни повреди.
По преземените мерки и целосното документирање на случајот, СВР Тетово ја достави пријавата до надлежното Јавно обвинителство за понатамошно постапување. Од полицијата не соопштуваат дополнителни детали за мотивите на нападот.
